ၾၢႆႇႁူမ်ႇလူမ်ႈၼႂ်းမိူင်း ပိုၼ်ၽၢဝ်ႇဢွၵ်ႇဝႆႉ တီႉလႆႈယႃႈၾိၼ်ႇၽိူၵ်ႇ တင်းၼမ်လၢႆ ၼႂ်းၸႄႈဝဵင်းမိူင်းပၼ်ႇ ၸိုင်ႈတႆး ပွတ်း ၸၢၼ်း။
ဝၼ်းတီႈ 29/2/2020 ပလိၵ်ႈၾၢႆႇၽဵဝ်ႈမူၺ်ႉယႃႈမဝ်းၵမ် ၵူတ်ႇထတ်းတီႉလႆႈ ရူတ်ႉၵႃး (တၢႆႇၼႃႇ) လမ်းၼိုင်ႈ တီႈၶူဝ် တႃႈသၢင်း ဢၼ်ၸၢႆးဝိၼ်းတိပ်ႉ ႁေႃႈမႃးမၼ်းၸၢႆးႁေႃႈ လႅၼ်ႈပၢႆႈလႄႈ ပလိၵ်ႈလႆႈလမ်းၵူတ်ႇထတ်း တီႉလႆႈတီႈႁိမ်း ဝၢၼ်ႈသႃလႃး ၸႄႈဝဵင်းမိူင်းတူၼ် ၼႂ်းၵႃးၼၼ်ႉ ပႃးၸွမ်းထႅင်ႈ ၸၢႆးယီႈလႄႈ တင်း ၸၢႆးမိူင်း ဝႃႈၼႆ။
ၼႂ်းၶေႃႈပိုၼ်ၽၢဝ်ႇၼၼ်ႉ ဢွၵ်ႇဝႆႉဝႃႈ “ ၼႂ်းရူတ်ႉၵႃးၼၼ်ႉ မီးယႃႈၾိၼ်ႇၽိူၵ်ႇ 24.12 ၵီႇလူဝ်ႇ၊ ငိုၼ်း မၢၼ်ႈ 2 သႅၼ်၊ ၾူၼ်း 1 လုၵ်ႈ။ ယဝ်ႉၵေႃႈ ၵူၼ်းမႃးၸွမ်း ၸၢႆးယီႈ ဢႃယု 30 ပီလႄႈ ၸၢႆးမိူင်း ဢႃယု 16 ပီ” ဝႃႈၼႆ။
တေႃႈလဵဝ် ယူႇတီႈၽူႈမီးပုၼ်ႈၽွၼ်းပလိၵ်ႈမၢၼ်ႈ လႆႈပိုတ်ႇလိူင်ႈၸွႆးတြႃးၸွမ်းၼင်ႇပၵ်းပိူင်မၢႆမီႈဝၢၼ်ႈမိူင်းမီးၼၼ်ႉ ဝႃႈၼႆ။
