Friday, March 29, 2024

ၶီႈလိၼ်ထၢၼ်ႇႁိၼ်လုၵ်ႉမႆႈပဵၼ်ၾႆး ၵူၼ်းမိူင်းလၢႆးၶႃႈမဵၼ်ၵႂၼ်း

Must read

ၵူၼ်းဝၢၼ်ႈ ၼႂ်းဢိူင်ႇၼႃးမၢင်း ဢွၼ်ၵၼ်မႆႈၸႂ် လွင်ႈၾႆးမႆႈ ထၢၼ်ႇႁိၼ် တေႃႈလဵဝ် လုၵ်ႈမႆႈႁႅင်းမႃးလိူဝ်ၵဝ်ႇ ဝႃႈၼႆ။

Photo by – ၵူၼ်းလၢႆးၶႃႈ/ ထၢၼ်ႇႁိၼ် တၢင်းဝၢၼ်ႈၼမ်ႉလိၼ်း ၼႂ်းဢိူင်ႇၼႃးမၢင်း ၸႄႈဝဵင်းလၢႆးၶႃႈ

မေႃႇထၢၼ်ႇႁိၼ်ၼႆႉ မီးႁိမ်းဝၢၼ်ႈတၢၵ်ႇလႅတ်ႇ/ ဝၢၼ်ႈတိုဝ်ႉၸၢင်ႉ ၼႂ်းဢိူင်ႇၼႃးမၢင်း ၸႄႈဝဵင်းလၢႆးၶႃႈ ၸႄႈတွၼ်ႈလွႆလႅမ် ၸိုင်ႈတႆးပွတ်းၸၢၼ်း။ တေႃႈလဵဝ် ၵူၼ်းဝၢၼ်ႈဢွၼ်ၵၼ်မႆႈၸႂ် ၵူဝ်လၢမ်းမႆႈႁၢဝ်ႈႁႅင်းထႅင်ႈ ဝႃႈၼႆ။

- Subscription -

ၸဝ်ႈသြႃႇဢႃႇၸေႇယ ဝတ်ႉၵွင်းသၢင်း လၢတ်ႈတီႈၽူႈတွႆႇႁွၵ်ႈဝႃႈ “ ပီၼႆႉ ၾႆးလုၵ်ႉမႆႈႁႅင်းလိူဝ်ၵဝ်ႇဢိူဝ်ႈ တၵ်ႉၵႃႇဝႃႈ။ လွင်ႈၾႆးမႆႈၼႆႉ မၼ်းပဵၼ်ၸွမ်းသၽႃႇဝမၼ်းၵူၺ်း ဢမ်ႇမီးၽႂ်ၵႂႃႇယႃႉ ၵႂႃႇၸုတ်ႇမၼ်း။ ဢၼ်ၾႆးမႆႈမႃးၼႆႉ မီးၶၢဝ်းတၢင်း 2 ပီပၢႆၼႆႉယဝ်ႉ။ မိူဝ်ႈပီၵၢႆၼႆႉ ၵူၼ်းဝၢၼ်ႈၶဝ် လႆႈဢွၼ်ၵၼ်ဢဝ်ၼမ်ႉၵႂႃႇႁူတ်းတူၺ်းယူႇ။ ပီၼႆႉၵေႃႈ ၵႂႃႇႁူတ်းယူႇ” ဝႃႈၼႆ။

ယွၼ်ႉပိူဝ်ႈၾႆးလုၵ်ႉတီႈပၢင်ႇၶီႈလိၼ် ထၢၼ်ႇႁိၼ်ၼၼ်ႉသေ ၵႂၼ်းၵေႃႈဢွၵ်ႇပႃးလႄႈ မီႈဢၢႆမဵၼ်။ ထူၺ်းၸႂ်ယၢပ်ႇ။ လိၼ်ၵေႃႈလူႉ။

ၵူၼ်းဝၢၼ်ႈတၢၵ်ႇလႅတ်ႇ ၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ တီႈမေႃႇထၢၼ်ႇႁိၼ်ၼၼ်ႉ ဢွၵ်ႇၵႂၼ်းတုၺ်းတုၺ်းဝႆႉ၊ ဢၢႆမၼ်းၵေႃႈ မဵၼ်ယၢမ်းၽွင်းတိုၵ်ႉလၢတ်ႈယူႇၼႆႉ မဵၼ်ဝႃႈမဵၼ်ၶႃႈယဝ်ႉ။ မၼ်းပဵၼ်ၶီႈထၢၼ်ႇႁိၼ်လႄႈ ပေႃးၺႃးလူမ်း ပဝ်ႇ၊ ယူႇယူႇ ၾႆးလုၵ်ႉၶိုၼ်ႈမႃးႁင်းၵူၺ်း” ဝႃႈၼႆ။

ၵဵဝ်ႇၵပ်းလွင်ႈၼႆႉ သင်ၶၸဝ်ႈ လႄႈ တၵ်ႉၵႃႇသတ်ႉထႃး ယၢမ်ႈတႅမ်ႈလိၵ်ႈသူင်ႇၸူး တီႈၼေႇပျီႇတေႃႇ ႁႂ်ႈလူင်းၸွႆႈၵႄႈ လိတ်ႈပၼ် မိူဝ်ႈပူၼ်ႉမႃး ပီၵၢႆၼၼ်ႉ တေႃႈထိုင်ယၢမ်းလဵဝ် ပႆႇႁၼ်ၽူႈမီးပုၼ်ႈၽွၼ်းၶဝ် လူင်းမႃးၵူတ်ႇထတ်းတူၺ်းသင် ၸဝ်ႈသြႃႇဢႃႇၸေႇယလၢတ်ႈၼႄၼင်ႇၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း