Thursday, March 28, 2024

ၽူႈတႅၼ်းသႅၼ်ဝီ ႁူပ်ႉထူပ်းၵူၼ်းမိူင်း သပ်းလႅင်း လွင်ႈၼႃႈၵၢၼ်တႃငၢၼ်း ဢၼ်လႆႈႁဵတ်းသၢင်ႈမႃး

Must read

ၽူႈတႅၼ်းသၽႃးပႃႇတီႇႁူဝ်သိူဝ် ၸႄႈဝဵင်းသႅၼ်ဝီ ႁူပ်ႉထူပ်းၵူၼ်းမိူင်း သပ်းလႅင်းၼႄ လွင်ႈၼႃႈၵၢၼ်တႃငၢၼ်း ဢၼ် လႆႈႁဵတ်းသၢင်ႈမႃး ၼႂ်းၶၢဝ်းတၢင်း 4 ပီ လႄႈ လွင်ႈဝၢင်းၽႅၼ်မိူဝ်းၼႃႈ ၸဵမ်ၸိူဝ်းၼႆႉ။

Photo by – ၸၢႆးဝၼ်းလႅင်းၶမ်း/ ပၢင်ႁူပ်ႉထူပ်းၵူၼ်းမိူင်း သႅၼ်ဝီ မိူဝ်ႈဝၼ်းတီႈ 5/11/2019

ဝၼ်းတီႈ 5/11/2019 ၸၢႆးဝၼ်းလႅင်းၶမ်း ၽူႈတႅၼ်းသၽႃးၸိူဝ်ႉၸၢတ်ႈ ၶဵတ်ႇလိူၵ်ႈတင်ႈမၢႆ (3)၊ ၸၢႆးဢူးၶမ်း ၽူႈတႅၼ်းသ ၽႃးၵူၼ်းမိူင်း ၸႄႈဝဵင်းသႅၼ်ဝီ၊ ၼၢင်းၶိၼ်ႇထႃးယီႇ ၽူႈတႅၼ်းသၽႃးၸႄႈမိူင်းၶဵတ်ႇလိူၵ်ႈတင်ႈ မၢႆ (1) ၸႄႈဝဵင်းသႅၼ်ဝီ လႄႈ ၸၢႆးၸိင်ႇလူႇ ၸႄႈမိူင်းၶဵတ်ႇလိူၵ်ႈတင်ႈ မၢႆ (2) ၸႄႈဝဵင်းသႅၼ်ဝီ ႁူပ်ႉထူပ်းပေႃႈမႄႈၵူၼ်းမိူင်း တီႈဝတ်ႉဝိႁၢရ်ၵျွင်း သႅင် ၸႄႈဝဵင်းသႅၼ်ဝီ ၸႄႈတွၼ်ႈလႃႈသဵဝ်ႈ ၸိုင်ႈတႆးပွတ်းႁွင်ႇ။

- Subscription -

ၸၢႆးဝၼ်းလႅင်းၶမ်း ၽူႈတႅၼ်းသၽႃး လၢတ်ႈတီႈၽူႈတွႆႇႁွၵ်ႈဝႃႈ “ မိူဝ်ႈတႄႇမၼ်း ႁဝ်းၶႃႈ တေၸတ်းႁဵတ်း ပၢင်ႁူပ်ႉထူပ်း ၵူၼ်းမိူင်းသႅၼ်ဝီႁဝ်း မိူဝ်ႈလိူၼ်ပူၼ်ႉ ဝၼ်းတီႈ 10/10/2019 ၵူၺ်းၵႃႈ သမ်ႉမီးလွင်ႈပိုတ်း ယိုဝ်းၵၼ်ၼႂ်းဝဵင်းသႅၼ်ဝီ မိူဝ်ႈ ဝၼ်းတီႈ 9/10/2019 ၼၼ်ႉသေ ႁဝ်းၶႃႈဢမ်ႇပဵၼ်ၸတ်း။ ၸင်ႇ မႃးၸတ်းႁဵတ်း ၼႂ်းဝၼ်းတီႈ 5/11/2019 ၼႆႉ။ ပၢင်ႁူပ်ႉ ထူပ်းၵမ်းၼႆႉ ႁဝ်းၶႃႈ ၽူႈတႅၼ်း တင်း 4 ၵေႃႉ မႃးသပ်းလႅင်းၼႄ လွင်ႈလႆႈႁဵတ်း သၢင်ႈမႃး တႃႇၶၢဝ်းတၢင်း 4 ပီ လႄႈ လွင်ႈ ႁၢင်ႈႁႅၼ်း တႃႇတၢင်းၼႃႈ ၸဵမ်ၸိူဝ်းၼႆႉ” ဝႃႈၼႆ။

တီႈပၢင်ႁူပ်ႉထူပ်းၵူၼ်းမိူင်းၼၼ်ႉ ၸၢႆးဢူးၶမ်း သပ်းလႅင်းၼႄ လွင်ႈလႆႈ တူင်ႉၼိုင်မႃး ၼႂ်းၶၢဝ်း တၢင်း 4 ပီ လွင်ႈပူၵ်း ပွင်ပၼ်ပေႃႈမႄႈၵူၼ်းမိူင်းၵူႈပႃႈၵူႈၾၢႆႇ ၸိူဝ်းၼၼ်ႉ။ ၸၢႆးၸိင်ႇလူႇ သပ်းလႅင်းၼႄ လွင်ႈလႆႈတူင်ႉၼိုင်ႁဵတ်းသၢင်ႈမႃး ၵူႈပႃႈၵူႈၾၢႆႇ တၢင်းၾၢႆႇၼႃႈတီႈမၢႆ 2 လႄႈ ၼၢင်းၶိၼ်ႇထႃးယီး သပ်းလႅင်း လၢတ်ႈလွင်ႈလႆႈတူင်ႉၼိုင်မႃး ၵူႈပႃႈၵူႈၾၢႆႇ တၢင်းၾၢႆႇၼႃႈတီႈမၢႆ 1 ၸဵမ်ၸိူဝ်းၼႆႉ။

ၸၢႆးဝၼ်းလႅင်းၶမ်း သိုပ်ႇလၢတ်ႈဝႃႈ “ ယူႇတီႈၶႃႈႁဝ်းတႄႉ လႆႈသပ်းလႅင်းၼႄ ငဝ်းလၢႆးၵၢၼ်ဝၢၼ်ႈၵၢၼ်မိူင်းလႄႈ လွင်ႈ သၽႃးမိူင်းႁူမ်ႈတုမ် လွင်ႈၶိုၼ်ႈယႂ်ႇယူပ်ႈယွမ်းမၼ်း လွင်ႈတိုၵ်ႉလႆႈမႆႈၸႂ် ၵူႈပႃႈၵူႈၾၢႆႇ ပဵၵ်ႉသမ်ႉဝႃႈ ဝၢၼ်ႈမိူင်းၶိုၼ်ႈ ယႂ်ႇယူႇသေတႃႉၵေႃႈ လွင်ႈ ၼမ်ႉ၊ လွင်ႈၾႆး၊ လွင်ႈၶူဝ်၊ လွင်ႈတၢင်းႁဝ်းၶႃႈ ႁဵတ်းလႆႈမႃးၼမ်သေတႃႉ ပူၵ်းပွင်ပၼ်ပေႃႈ ၵူၼ်းမိူင်းမႃးၼမ်သေတႃႉၵေႃႈ လွင်ႈႁူမ်ႇလူမ်ႈပေႃႈမႄႈၵူၼ်းမိူင်းတႄႉ တိုၵ်ႉလႆႈမႆႈၸႂ်ဝႆႉ လွင်ႈၵၢၼ်သိုၵ်းတိုၵ်ႉပဵၼ်ယႂ်ႇ ၵႂၢင်ႈဝႆႉယူႇၼႆလႄႈ ၼႂ်းသၽႃး ၵေႃႈ လိူဝ်သေလွင်ႈၼႆႉ ပိူၼ်ႈဢမ်ႇပၼ်လၢတ်ႈ ပေႃးၵႂႃႇလၢတ်ႈၼႆၵေႃႈ သမ်ႉတေၵႂႃႇၶွင်ႉ ၶမ်ၵၼ် တၢင်းၾၢႆႇတပ်ႉသိုၵ်းၼႆ သေ ႁူဝ်ပဝ်ႈသၽႃးၶဝ် ႁႄႉႁၢမ်ႈဝႆႉ လႆႈလၢႆးငၢၼ်းလၢတ်ႈၼႄၵူၼ်းမိူင်းႁဝ်းၶႃႈၵႂႃႇၸိူင်ႉ ၼႆ တႅၵ်ႇတႅၵ်ႇလႅင်းလႅင်းၶႃႈ” ဝႃႈ ၼႆ။

တီႈဝဵင်းသႅၼ်ဝီၼႆႉ ယူႇတီႈၽူႈတႅၼ်းသၽႃး ၸိူဝ်ႉၸၢတ်ႈ၊ ၵူၼ်းမိူင်း၊ ၸႄႈမိူင်း မၢႆ 1 – မၢႆ 2 ႁူမ်ႈၵၼ်သေ ႁူပ်ႉထူပ်းၵူၼ်း မိူင်းၼႆႉ ပဵၼ်ပွၵ်ႈၵမ်းႁႅၵ်ႈ။ မွၵ်ႇထိုင် ၵူၼ်းမိူင်းၵူႈပွၵ်ႉ/ ဢိူင်ႇ၊ ၸုမ်းတူင်ႉၼိုင်တူင်ႇဝူင်း ၵူၼ်းမိူင်း မိူၼ်ၼင်ႇ ၸုမ်းၼၢင်း ယိင်း၊ ၸုမ်းၵူၼ်းၼုမ်ႇ၊ ၵေႃလိၵ်ႈလၢႆး၊ ၾၢႆႇပူၵ်းပွင် ႁုၼ်ႈမုၼ်းၸွမ်းပွၵ်ႉဢိူင်ႇဝၢၼ်ႈ၊ တၢင်ႇၸၢဝ်းၶိူဝ်းလႄႈ တၢင်ႇပႃႇတီႇ ၸဵမ်ၸိူဝ်းၼႆႉ မႃးၶိုၼ်ႈႁွတ်ႈ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း