ၾႆးမႆႈႁိူၼ်းၵူၼ်းဝၢၼ်ႈ တီႈဝဵင်းမိူင်းသူႈ လင်ၼိုင်ႈ လုၵ်ႈဢွၼ်ႇဢႃယု 6 ၶူပ်ႇ လူႉတၢႆၸွမ်းၾႆးၵေႃႉၼိုင်ႈ ဢႃယု 9 ၶူပ်ႇ မၢတ်ႇၸဵပ်းၸွမ်းၵေႃႉၼိုင်ႈ။
ဝၼ်းတီႈ 18/10/2019 ယၢမ်းၵၢင်ၶမ်ႈ 7 မူင်းပၢႆ ၾႆးမႆႈ ႁိူၼ်းၵူၼ်းဝၢၼ်ႈ ဝၢၼ်ႈၵၢင် တီႈလွႆသႅင် ၸႄႈဝဵင်းမိူင်းသူႈ ၸႄႈ တွၼ်ႈလွႆလႅမ် ၸိုင်ႈတႆးပွတ်းၸၢၼ်း။
ၸၢႆးထုၼ်းဢေး ၽူႈတႅၼ်းသၽႃးၵူၼ်းမိူင်း ၸႄႈဝဵင်းမိူင်းသူႈ လၢတ်ႈတီႈၽူႈတွႆႇႁွၵ်ႈဝႃႈ “ လုၵ်ႈဢွၼ်ႇ ဢႃယု 6 ၶူပ်ႇ ယူႇ ႁူင်းႁဵၼ်းၸၼ်ႉဢွၼ် မႆႈပႃးၵႂႃႇၸွမ်းၾႆး။ ထႅင်ႈၵေႃႉၼိုင်ႈ ဢႃယု 9 ၶူပ်ႇသမ်ႉ လႆႈမၢတ်ႇၸဵပ်း လႆႈသူင်ႇယူတ်းယႃ တူဝ်ဝႆႉ တီႈ ႁူင်းယႃလူင် ၸႄႈဝဵင်းတူၼ်ႈတီးဝႆႉယဝ်ႉ။ ယွၼ်ႉတႆႈၾႆးတဵၼ်းသေ ၾႆးလႆႈမႆႈႁိူၼ်း။ တီႈႁိူၼ်းမီးလုၵ်ႈဢွၼ်ႇၵူၺ်း ပေႃႈမႄႈၵႂႃႇႁဵတ်းၵၢၼ်ပႆႇပွၵ်ႈမႃးႁိူၼ်းၶိုၼ်း” ဝႃႈၼႆ။
ၾႆးမႆႈပႃးတင်းႁိူၼ်းတင်းၶူဝ်းၶွင်မူတ်းလႄႈ ယၢမ်းလဵဝ် ၵူၼ်းႁိူၼ်းလႆႈၵႂႃႇသွၼ်ႈယူႇဝႆႉတီႈဝတ်ႉၵျွင်းၶရိယၼ်ႇ ဝႃႈၼႆ။
ယူႇတီႈလူင်ပွင်ၸိုင်ႈမိူင်းတႆး တင်း ၽူႈတႅၼ်းသၽႃး လႆႈၸွႆႈၵမ်ႉထႅမ်ပၼ် ၼႂ်းမုင်ႉႁေႃႁိူၼ်း လုၵ်ႈဢွၼ်ႇတၢႆ 1 ၵေႃႉ လႄႈ တႃႇၵေႃႇသၢင်ႈႁိူၼ်းၶိုၼ်း တင်းမူတ်းတႃႇငိုၼ်း 5 သႅၼ်ပျႃး ဝႃႈၼႆ။