Friday, March 29, 2024

ၶၢပ်ႈတူဝ် ၸဝ်ႈတူၼ်ၶူးလူင် ပၺ်ၺႃသႃမိ ၸဝ်ႈငမ်းပၢႆးလူင် မၢႆ 2 ၸိုင်ႈတႆးပွတ်းဢွၵ်ႇ တေပူၼ်ႉ ၼႂ်းႁၢင်လိူၼ်ၼႆႉ

Must read

သင်ၶၸဝ်ႈလႄႈ တၵ်ႉၵႃႇသတ်ႉထႃး တႃႈၶီႈလဵၵ်း တေႁူမ်ႈၵၼ်ပူၼ်ႉၶၢပ်ႈတူဝ် ၸဝ်ႈတူၼ်ၶူးလူင် ဝတ်ႉဝိႁၢရ်လူင် မၢၵ်ႇ ၵႃႇႁူဝ်ၶမ်း ၼႂ်းႁၢင်လိူၼ်ဢွၵ်ႊထူဝ်ႊပိူဝ်ႊၼႆႉ။

Photo by – Khu Puen Kham/ ၶၢပ်ႈတူဝ် ၸဝ်ႈတူၼ်ၶူးလူင် ပၺ်ၺႃသႃမိ တီႈဝတ်ႉဝိႁၢရ်လူင် မၢၵ်ႇၵႃႇႁူဝ်ၶမ်း တႃႈၶီႈလဵၵ်း

ပေႃးထိုင်မႃး ဝၼ်းတီႈ 30/10/2019 ၸိုင် သင်ၶၸဝ်ႈလႄႈ တၵ်ႉၵႃႇသတ်ႉထႃး ၼႂ်းၸႄႈဝဵင်းတႃႈၶီႈလဵၵ်း တေႁူမ်ႈၵၼ် ပူၼ်ႉၶၢပ်ႈတူဝ် ၸဝ်ႈတူၼ်ၶူးလူင် ပၺ်ၺႃသႃမိ ၸဝ်ႈငမ်းပၢႆးလူင် (2) ၸိုင်ႈတႆးပွတ်းဢွၵ်ႇၶူင်း တီႈပႃႇႁဵဝ်ႈ မဵဝ်ႉမ ဢၼ်မီး ႁိမ်းထၢတ်ႈပုတ်ႉထၵယႃႇ ပုင်ႇလူဝ်ႉ ဝႃႈၼႆ။

- Subscription -

ၸဝ်ႈၶူး ၵုလိသ လၢတ်ႈတီႈၽူႈတွႆႇႁွၵ်ႈဝႃႈ “ ပေႃးထိုင်မႃး ဝၼ်းတီႈ 30 ၼႆႉ ၶၢဝ်းယၢမ်းမွၵ်ႈ 12 မူင်းၵၢင်ဝၼ်း တေဢဝ် ၶၢပ်ႈတူဝ်ၸဝ်ႈသြႃႇလူင်ပၼ်ႇ ဝဵင်းသေဢဝ်ၵႂႃႇတီႈပႃႇႁဵဝ်ႈ မဵဝ်ႉမ၊ တေႃႈလဵဝ် ၶၢပ်ႈတူဝ် ၸဝ်ႈသြႃႇလူင်ႁဝ်းတႄႉလႆႈ ပူင်လူင်းမႃးဝႆႉတီႈႁူင်းထမ်းလူင် ၼႂ်းဝတ်ႉမၢၵ်ႇၵႃႇႁူဝ်ၶမ်းဝႆႉ။ လႆႈပူင်လူင်းမႃးဝႆႉမိူဝ်ႈဝၼ်းတီႈ 15/9/2019 ၼၼ်ႉ” ဝႃႈၼႆ။

ပၢင်ၸႃပၼ ၸဝ်ႈတူၼ်ၶူးလူင် ပၺ်ၺႃသႃမိ ၸဝ်ႈငမ်းပၢႆးလူင် မၢႆ (2) ၸိုင်ႈတႆးပွတ်းဢွၵ်ႇၶူင်း ဝတ်ႉမၢၵ်ႇၵႃႇႁူဝ်ၶမ်းၼႆႉ မီးတၵ်ႉၵႃႇသတ်ႉထႃး တီႈၸမ်ၵႆ မႃးလူႇတၢၼ်းဝႆႈသႃႇ တင်းၼမ်လၢႆ။

“ မီးတၵ်ႉၵႃႇသတ်ႉထႃး တီႈၸမ်ၵႆ မႃးလူႇတၢၼ်းဝႆႈသႃၵူႈဝၼ်းၶႃႈယဝ်ႉ။ လိူဝ်ၼၼ်ႉ ဢမ်ႇဝႃႈၼႂ်းမိူင်းတႆး၊ မိူင်းမၢၼ်ႈ တင်းမိူင်းထႆး ထိုင်တၢင်းၵုင်းထဵပ်ႈၼၼ်ႉၵေႃႈမႃးလူႇတၢၼ်းဝႆႈသႃၶႃႈယဝ်ႉ”ဝႃႈၼႆ။

ၸဝ်ႈတူၼ်ၶူးလူင် ပၺ်ၺႃသႃမိ ၸဝ်ႈငမ်းပၢႆးလူင်မၢႆ (2) ဢၵ်ႉၵမႁႃသတ်ႉ ထမ်မၸေႃး တိၵထၸ ဢၼုၼႃယၵ ငဝ်ႈ ငုၼ်းမုၵ်ႉၸုမ်းလူင်သင်ႇၶႃႇ ၸိုင်ႈတႆး၊ ၵိူင်းသူၺ်ႇၵျိၼ်ႇ ရတ်ႉတၼ်ၺူမႁႃၼႃယၵ ၵျွင်း ၽြႃးလူင်ရၶႅင်ႇ မႁႃမျၢတ်ႈမုၼိ မၢၵ်ႇၵႃႇႁူဝ်ၶမ်း ဝဵင်းတႃႈၶီႈလဵၵ်း ၸိုင်ႈတႆးပွတ်းဢွၵ်ႇၶူင်း။ ၸဝ်ႈလႆႈၶဝ်ႈသူၼ် မၢၵ်ႇႁၢၵ်ႈ ၶမ်းၵႂႃႇ မိူဝ်ႈဝၼ်းတီႈ 7/9/2019 ယၢမ်းၵၢင်ၶမ်ႈ 8 မူင်းပၢႆ တီႈဝတ်ႉမၢၵ်ႇၵႃႇႁူဝ်ၶမ်း ၸႄႈဝဵင်း တႃႈၶီႈလဵၵ်း ၸိုင်ႈတႆးပွတ်း ဢွၵ်ႇၶူင်း။ ဝႃႇသႃၸဝ်ႈလႆႈ 61 ဝႃႇ၊ ဢႃယုၸဝ်ႈလႆႈ 83 ပီ။

လႅင်ႇၶၢဝ်ႇ – လႅတ်ႇၼုမ်ႇ မင်းရၢႆး

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း