လုမ်းပွင်ၵၢၼ်သိုၵ်း လူင်ပွင်ၸိုင်ႈမၢၼ်ႈ ဢွၵ်ႇၶၢဝ်ႇဝႃႈ ၵူတ်ႇထတ်းတီႉၺွပ်းလႆႈ ၶိူင်ႈၸၢၵ်ႈႁဵတ်းဢွၵ်ႇ ယႃႈမဝ်း ၵမ်လႄႈ ဢိၵ်ႇတင်းယႃႈမဝ်းၵမ် ႁူမ်ႈၵၼ် တင်းမူတ်း တေတူၵ်းမႅၼ်ႈငိုၼ်းယူႇ မွၵ်ႈ 9 မိုၼ်ႇသႅၼ်ပျႃး ဝႃႈၼႆ။
လုမ်းပွင်ၵၢၼ်သိုၵ်း လူင်ပွင်ၸိုင်ႈမၢၼ်ႈ ဢွၵ်ႇၶၢဝ်ႇဝႃႈ ဝၼ်းတီႈ 18/02/2018 ဝႃႈ ၶိူင်ႈၸၢၵ်ႈလႄႈယႃႈမဝ်း ၵမ်ၸိူဝ်းၼႆႉ လႆႈၸႂ်ႉဢဵၼ်ႁႅင်းၶဝ်ႈဝႅတ်ႉလွမ်ႉ ၵူတ်ႇထတ်း တီႉၺွပ်းမိူဝ်ႈဝၼ်းတီႈ 16-18/02/2018 ႁိမ်း ဝၢၼ်ႈလွႆၶၢၼ်း ၸႄႈဝဵင်းၵူတ်ႉၶၢႆ ၸႄႈတွၼ်ႈၵျွၵ်ႉမႄး ၸိုင်ႈတႆးပွတ်းႁွင်ႇ ။
ဢၼ်တီႉၺွပ်းလႆႈသမ်ႉ ၸၢၵ်ႈၾႆးလူင် 12 လုၵ်ႈ၊ ယိုတ်းလႆႈ သုမ်ႉဢွင်ႈတီႈႁဵတ်းဢွၵ်ႇယႃႈမႃႉ 34 လင်၊ တိူၵ်ႈၸႄႊၼမ်ႉၶႅင် 22 လုၵ်ႈ၊ ပုင်း ဢႅၵ်ႊသိတ်ႊ 210 လုၵ်ႈ၊ ပုင်းၻီႊၸႄႊ 165 လုၵ်ႈ၊ ပုင်းထၢတ်ႈသီႇ 60 လုၵ်ႈ၊ မေႃႈၼိုင်ႈ 32 လုၵ်ႈ၊ တဝ်ႈၼမ်ႉဢႅၵ်ႊသိတ်ႊ 200 တဝ်ႈ၊ ဢႅပ်ႇၼမ်ႉဢႅၵ်ႊသိတ်ႊ ဢၼ်ၶဝ်ႈသွင်လိတ်ႊတိူဝ်ႊ 200 တဝ်ႈ၊ ယႃမႃႉ 4,871,000 မဵတ်ႉ၊ ၽွင်ယႃမႃႉ 13 ၵီႊလူဝ်ႊၵရႅမ်ႊ၊ ယႃႈလမ် 43 ၵီႊလူဝ်ႊၵရႅမ်ႊ၊ ၵႃႊၾေႊ ဢိၼ်ႊ 10,030 ၵီႊလူဝ်ႊၵရႅမ်ႊ၊ ဢႆႊသ်(Ice) 259 ၵီႊလူဝ်ႊၵရႅမ်ႊ၊ ယႃႈၾိၼ်ႇၽိူၵ်ႇ ၸဵမ်ၸိူဝ်းၼႆႉ တင်းမူတ်း တေတူၵ်းမႅၼ်ႈငိုၼ်း မွၵ်ႈ 9 မိုၼ်ႇသႅၼ်ပျႃး ဝႃႈၼႆ။
လိူဝ်ၼၼ်ႉ ယူႇတီႈၸုမ်းပလိၵ်ႈ လၢႆၾၢႆႇႁူမ်ႈၵၼ်သေ ၶဝ်ႈၵူတ်ႇထတ်းတီႉၺွပ်းလႆႈမႃးၼၼ်ႉ မွပ်ႈယိုၼ်ႈပၼ် ၸုမ်းပလိၵ်ႈၾၢႆႇၵႂၢတ်ႇလၢင်ႉၽဵဝ်ႈမူၺ်ႉ ယႃႈမဝ်းၵမ် ၸႄႈဝဵင်းၵူတ်ႉၶၢႆ ဝႆႉယဝ်ႉ ဝႃႈၼႆ။
