Thursday, March 28, 2024

ၸွမ်သိုၵ်းလူင် ယွတ်ႈသိုၵ်း RCSS/SSA လႆႈႁပ်ႉၸုမ်ႈၶူး M.A တီႈၼႂ်းၸိုင်ႈထႆး

Must read

ႁူဝ်ပဝ်ႈလူင် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA ၾိုၵ်းသွမ်ႉ တႃႇႁပ်ႉၸုမ်ႈၶူး M.A တီႈ ၸၼ်ႉၸွမ်ပထုမ်းထႃးၼီး ၸိုင်ႈထႆး ဝႃႈၼႆ။

ဝၼ်းတီႈ 21/01/2018 ပဵၼ်ဝၼ်းၾိုၵ်းသွမ်ႉ Rehearsal တႃႇႁပ်ႉၸုမ်ႈၶူး တီႈၸၼ်ႉၸွမ်ပထုမ်းထႃးၼီး ၸိုင်ႈထႆး ၼႂ်းၼၼ်ႉ ႁူဝ်ပဝ်ႈလူင် ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး ၸွမ်သိုၵ်းလူင် ယွတ်ႈသိုၵ်း ၶဝ်ႈႁူမ်ႈ ၾိုၵ်း သွမ်ႉ တႃႇႁပ်ႉၸုမ်းၶူး M.A (ၾၢႆႇၵူၼ်းမိူင်း) ၼႂ်းဝၼ်းတီႈ 28/01/2018 ဢၼ်တေထိုင်ၼႆႉ ဝႃႈၼႆ။

- Subscription -

ၽူႈၸမ်ၸႂ် ၸွမ်သိုၵ်းလူင် ယွတ်ႈသိုၵ်း ၵေႃႉၼိုင်ႈလၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ “ မိူဝ်ႈဝႃးၼၼ်ႉ ပဵၼ်ဝၼ်း ၾိုၵ်းသွမ်ႉ ႁၢင်ႈႁႅၼ်းဝႆႉၵူၺ်းၶႃႈ ပေႃးထိုင်မႃး ဝၼ်းတီႈ 28 ႁၢင်လိူၼ်ၼႆႉ တေပဵၼ်ဝၼ်းႁပ်ႉၸုမ်ႈၶူးတႄႉၶႃႈ။ ၸၼ်ႉၶူးဢၼ်ၸဝ်ႈႁဝ်းၶႃႈတေႁပ်ႉၼၼ်ႉ ပဵၼ်ၸုမ်ႈၶူး ၸၼ်ႉ M.A (ၾၢႆႇၵၢၼ်မိူင်း) ဢၼ်ႁွင်ႉဝႃႈ Political Science။ ၵၢၼ်ႁဵၼ်းၸၼ်ႉၸွမ် ၸဝ်ႈႁဝ်းၶႃႈ လႆႈၸႂ်ႉၶၢဝ်းယၢမ်းလဵပ်ႈႁဵၼ်းမႃး ႁိမ်း 3 ပီ” ဝႃႈၼႆ။

မိူဝ်ႈဝၼ်းႁၢင်ႈႁႅၼ်းၾိုၵ်းသွမ်ႉ တႃႇႁပ်ႉၸုမ်ႈၶူး တီႈၸၼ်ႉၸွမ်ပထုမ်းထႃးၼီး ၸိုင်ႈထႆးၼၼ်ႉ မီးပီႈၼွင်ႉတႆး/ ႁႅင်း ၵၢၼ်တႆး ဢွၼ်ၵၼ်ၵႂႃႇႁူမ်ၸူမ်း ႁပ်ႉတွၼ်ႈ ၸွမ်သိုၵ်းလူင် ယွတ်ႈသိုၵ်း တင်းၼမ်လၢႆ ဝႃႈၼႆ။

ငဝ်ႈၸိုင်ႈ ၶွင်ႇသီႇဢဝ်ၶိုၼ်းၸိုင်ႈတႆး/ တပ်ႉသိုၵ်းၸိုင်ႈတႆး RCSS/SSA ၼႆႉပၵ်းသဝ်းဝႆႉတီႈ လႅၼ်လိၼ်တႆး-ထႆး ႁူဝ်ပဝ်ႈပဵၼ် ၸွမ်သိုၵ်းလူင် ယွတ်ႈသိုၵ်း။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း