Friday, March 29, 2024

ပလိၵ်ႈၶႄႇ သူင်ႇတူဝ်ႁႅင်းၵၢၼ် မိုၼ်ႇပၢႆ မွပ်ႈပၼ်ပလိၵ်ႈမၢၼ်ႈ

Must read

ပလိၵ်ႈၶႄႇ တီႉၺွပ်းၵုမ်းၶင် ပီႈၼွင်ႉႁႅင်းၵၢၼ်မိူင်းမၢၼ်ႈ ဢၼ်ၵႂႃႇႁဵတ်းၵၢၼ်မိူင်းၶႄႇၼၼ်ႉ သူင်ႇမွပ်ႈယိုၼ်ႈ ပၼ်ၶိုၼ်း တီႈတၢင်းၶဝ်ႈ/ဢွၵ်ႇ ၵဵတ်ႉမူႇၸေႊတင်းသျိၼ်းသူၺ်ႇႁေႃႇ ၼႂ်းမိုဝ်းပလိၵ်ႈမၢၼ်ႈ မီးၵႂႃႇယဝ်ႉ ႁူဝ်ၵူၼ်း 10,430 ၵေႃႉ။

ပီႈၼွင်ႉႁႅင်းၵၢၼ်မိူင်းမၢၼ်ႈ ဢၼ်ၶဝ်ႈၵႂႃႇႁဵတ်းၵၢၼ်ၼႂ်းမိူင်းၶႄႇ ၸိူဝ်းဢမ်ႇမီးဝႂ်ဝတ်းတဵမ်ထူၼ်းၼၼ်ႉ ထုၵ်ႇၸဝ်ႈ ၼႃႈတီႈပလိၵ်ႈၶႄႇ ၼႂ်းမိူင်းမၢဝ်း ၸိုင်ႈမိူင်းၶႄႇ တီႉၺွပ်းၵုမ်းၶင် ၼႂ်းပီ 2016 လိူၼ်ၵျူၼ်ႊ တေႃႇထိုင် ဝၼ်းတီႈ 12/12/2017 ၼၼ်ႉ သူင်ႇမွပ်ႈယိုၼ်ႈပၼ် ၸဝ်ႈၼႃႈတီႈပလိၵ်ႈမၢၼ်ႈ ၶိုၼ်းတီႈတၢင်းၶဝ်ႈဢွၵ်ႇ ၵဵတ်ႉမူႇၸေႊတင်း ၶျိၼ်းသူၺ်ႇႁေႃႇ လႅၼ်လိၼ်တႆး-ၶႄႇ မီးၵႂႃႇမိုၼ်ႇပၢႆ ဝႃႈၼႆ။

- Subscription -

ဢူးတိၼ်ႇၸဵင်ႇ ၵႅမ်ၽူႈၸီႉသင်ႇ ႁွင်ႈၵၢၼ်ၽႄၾၢႆႇၵူတ်ႇထတ်းၵူၼ်းၶဝ်ႈမိူင်း မၢႆ 7 ဝဵင်းမူႇၸေႊ လၢတ်ႈဝႃႈ “ မိူဝ်ႈပူၼ်ႉမႃး ဝၼ်းတီႈ 12 လိူၼ်ၻီႊသႅမ်ႊၿိူဝ်ႊ 2017 ယၢမ်းၵၢင်ၶမ်ႈၼၼ်ႉ ပလိၵ်ႈၶႄႇၶဝ် ဢဝ်ႁႅင်းၵၢၼ် မိူင်းမၢၼ်ႈဢၼ် တူၵ်းၶွၵ်ႈဝႆႉၼၼ်ႉ မွပ်ႈယိုၼ်ႈပၼ် 160 ၵေႃႉ” ဝႃႈၼႆ။

ႁႅင်းၵၢၼ်မိူင်းမၢၼ်ႈ ဢၼ်ထုၵ်ႇၸဝ်ႈၼႃႈတီႈပလိၵ်ႈၶႄႇ တီႉၺွပ်းၵုမ်းၶင် ယဵတ်ႈၶွၵ်ႈ ပၼ်တူတ်ႈတၢမ်ႇဝႆႉၼၼ်ႉ ယူႇ တီႈၸဝ်ႈၼႃႈတီႈမိူင်းမၢၼ်ႈတင်း မိူင်းၶႄႇ လႆႈဢုပ်ႇဢူဝ်းၵၼ် ၼင်ႇႁိုဝ် ပေႃးတေၸဵဝ်း ပူၼ်ႉလွတ်ႈတူၵ်းၶွၵ်ႈ ဢွၵ်ႇ မႃးဝႆးဝႆးဝႃႈၼႆသေတႃႉ ၾၢႆႇၸဝ်ႈၼႃႈတီႈပလိၵ်ႈၶႄႇတႄႉ ၸွမ်းၼင်ႇမၢႆမီႈမီးဝႆႉၼၼ်ႉ ၵႃႈဢမ်ႇတဵမ်ၶၢဝ်းယၢမ်း တိုၼ်းဢမ်ႇပွႆႇဢွၵ်ႇမႃး ၸၢႆးပီး ၵူၼ်းမူႇၸေႊလၢတ်ႈ။

ႁႅင်းၵၢၼ်မိူင်းမၢၼ်ႈ တင်းမူတ်း 10430 ၵေႃႉ ဢၼ်ပလိၵ်ႈၶႄႇၶဝ် မွပ်ႈယိုၼ်ႈသူင်ႇတူဝ်ပၼ်တင်းမိူင်းမၢၼ်ႈယဝ်ႉၵႂႃႇ ၼၼ်ႉ ၽူႈၸၢႆး 7142 ၵေႃႉ၊ ၽူႈယိင်း 2097 ၵေႃႉ ၼႆယဝ်ႉ။

ႁႅင်းၵၢၼ်မိူင်းမၢၼ်ႈ ၸိူဝ်းၵႂႃႇႁဵတ်းၵၢၼ်ၼႂ်းမိူင်းမၢဝ်း ၸိုင်ႈမိူင်းၶႄႇ ထုၵ်ႇပလိၵ်ႈၶႄႇတီႉၺွပ်းၵုမ်းၶင်သမ်ႉ ၵမ်ႈၼမ် ဝတ်းဝႂ်ဢမ်ႇတဵမ်ထူၼ်ႈၵၼ် မိူၼ်ၼင်ႇ ဝႂ်ႁပ်ႉႁွင်းပၢႆးယူႇလီ၊ ဝႂ်ႁပ်ႉႁွင်းပေႃႈလဵင်ႉ/မႄႈလဵင်ႉ(ၼၢႆးၸၢင်ႈ)၊ ဝႂ်ဢၼု ၺၢတ်ႈႁဵတ်းၵၢၼ်၊ ဝႂ်ႁပ်ႉႁွင်းယူႇၼႂ်းမိူင်းၶႄႇ (ဝီႊသႃႊ)၊ ဝႂ်ၶၢမ်ႈမိူင်း(ပၢတ်ႊသပွတ်ႊ) ၸဵမ်ၸိူဝ်းၼႆႉသေဢမ်ႇၵႃး။ ၸဝ်ႈၼႃႈတီႈၶဝ် ပၢႆၵူတ်ႇထတ်းပႃးထႅင်ႈ ၸွင်ႇသူႇသမ်းၵိၼ်ယႃႈမဝ်းၵမ် သင်ဝႃႈ ၵူတ်ႇထတ်း ႁၼ်မႅၼ်ႈၼႆၸိုင် ပၼ်တူတ်ႈတၢမ်ႇတူၵ်းၶွၵ်ႈ ၸဵမ်ၸိူဝ်းၼႆႉ။

ၶေႃႈမုလ်း The Voice

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း