ပလိၵ်ႈမၢၼ်ႈ ဝဵင်းတႃႈၶီႈလဵၵ်း တီႉလႆႈၵူၼ်းထႆး ဢၼ်ပၢႆႈတၢင်းၽိတ်းမိူင်းထႆးၶဝ်ႈမိူင်းတႆး မူၵ်းယူႇ ၼႂ်းတႃႈၶီႈလဵၵ်းၼၼ်ႉ ယိုတ်းလႆႈပႃးၶိူင်ႈၸႂ်ႉၶူဝ်းတိုဝ်း တႃႇႁဵတ်းယႃႈမဝ်းၵမ် တင်းၼမ်။
ဝၼ်းတီႈ 25/11/2017 သိုဝ်ႇၶၢဝ်ႇ Maesai news ပိုၼ်ၽၢဝ်ႇဝႃႈ ၸဝ်ႈၼႃႈတီႈပလိၵ်ႈမၢၼ်ႈ ဝဵင်းတႃႈၶီႈလဵၵ်း ၵပ်းသၢၼ်တင်းပလိၵ်ႈထႆးသေ တီႉၺွပ်းလႆႈ ၸၢႆးသရႃႊဝုတ်ႊ ၵူၼ်းမႄႈသၢႆ ဢၼ်ပၢႆႈတၢင်းၽိတ်းၼႂ်းမိူင်းထႆးသေ တင်ႈႁူင်းႁဵတ်းယႃႈတီႈတႃႈၶီႈလဵၵ်း ။
ၸဝ်ႈၼႃႈတီႈ ၶဝ်ႈသွၵ်ႈတဝ်တီႈႁိူၼ်း တီႈႁိမ်းဝၢၼ်ႈမႄႈၶၢဝ် ၸႄႈတွၼ်ႈတႃႈၶီႈလဵၵ်း ယိုတ်းလႆႈယႃႈ ဢႆႊသ် ၼပ်ႉႁူဝ်ၵီႊလူဝ်ႊ ၊ ၶိူင်ႈၸႂ်ႉၶူဝ်းတိုဝ်းတႃႇႁဵတ်းယႃႈၸိူဝ်းၼႆႉ လိူဝ်ၼၼ်ႉယိုတ်းလႆႈၵႃး 1 လမ်း ၼိူဝ်ၶူဝ်မိုတ်ႈၵိုဝ်း တႃႈၶီႈလဵၵ်း – မႄႈသၢႆ။
သိုဝ်ႇၶၢဝ်ႇ Maesai news ပိုၼ်ၽၢဝ်ႇထႅင်ႈ ဝႃႈ – ၸုမ်းၵဵဝ်ႇၶွင်ႈယႃႈမဝ်းၵမ်ၸုမ်းၼႆႉ ပဵၼ်ၸုမ်းၼႅင်ႈ သၢၼ်ၵၼ်တင်း ၸုမ်း ပျီႇတုၸိတ်ႉဢၼ်ယူႇၸွမ်းလႅၼ်လိၼ်တႆး – ထႆး ဝႃႈၼႆ။
Maesai news
