Friday, March 29, 2024

ၸုမ်းၵူၼ်းၼုမ်ႇတႆး SYO ၵႂႃႇၼႄတၢင်းၵႃႈ ၾိင်ႈႁိတ်ႈႁွႆးတႆး တီႈမိူင်းၶႄႇ

Must read

ၸုမ်းၵူၼ်းၼုမ်ႇတႆး Shan Youth Organization (SYO) တၢင်တူဝ်မိူင်းႁူမ်ႈတုမ်သေ ၵႂႃႇၼႄတၢင်းၵႃႈ ၾိင်ႈႁိတ်ႈႁွႆးတႆး တီႈမိူင်းၶႄႇ ဝႃႈၼႆ။

ဝၼ်းတီႈ 07/11/2017 ယၢမ်းၵၢင်ၶမ်ႈ 8:30 မူင်း(ယၢမ်းမိူင်းၶႄႇ) ယူႇတီႈၸုမ်းဢူၺ်းလီ မၢၼ်ႈ- ၶႄႇ လႆႈမွၵ်ႇမႃး တီႈၸုမ်းၵူၼ်းၼုမ်ႇတႆး SYO သေ လႆႈတၢင်တူဝ်မိူင်းႁူမ်ႈတုမ် ၵႂႃႇၶဝ်ႈႁူမ်ႈၵႃႈၼႄ ၼႂ်းပၢင်ပွႆးမွပ်ႈသူးရၢင်းဝလ်း ငဝ်းတူင်ႉ/ပၢႆးမွၼ်း ဢေႊသျိူဝ်ႊ(Asia) တီႈၸႄႈဝဵင်းလၢင်ႇၶျၢင်း မိူင်းယူႇၼၢၼ်ႇ ၸိုင်ႈမိူင်းၶႄႇ ဝႃႈၼႆ။

- Subscription -

ၸၢႆးၶိူဝ်းလဵဝ် ႁူဝ်ပဝ်ႈၸုမ်းၵူၼ်းၼုမ်ႇတႆး SYO လၢတ်ႈတီႈၸုမ်းၶၢဝ်ႇၽူႈတွႆႇႁွၵ်ႈဝႃႈ “ ဢၼ်ၸုမ်းႁဝ်းၶႃႈ လႆႈမႃးၼႄ တၢင်းၵႃႈ ၾိင်ႈႁိတ်ႈႁွႆးတႆး တီႈမိူင်းၶႄႇၼႆႉ တေလႆႈဝႃႈပဵၼ်ပွၵ်ႈၵမ်းသွင်ယဝ်ႉ။ ပွၵ်ႈၵမ်းၼႆႉ ပဵၼ်ပၢင်ပွႆးမွပ်ႈသူး ရၢင်း ဝလ်း ငဝ်းတူင်ႉလႄႈပၢႆးမွၼ်း။ ယူႇတီႈလူင်ပွင်ၸိုင်ႈမၢၼ်ႈ ၸုမ်းဢူၺ်းလီမၢၼ်ႈ-ၶႄႇ ၽိတ်ႈမွၵ်ႇမႃး။ လိူဝ်ၼၼ်ႉ ဢၼ်ႁၢၼ်ႉၸႂ်ထႅင်ႈဢၼ်ၼိုင်ႈသမ်ႉ လႆႈႁူပ်ႉထူပ်းတင်းပီႈၼွင်ႉတႆးႁဝ်း ဢၼ်ယူႇသဝ်းၼႂ်း မိူင်းၶႄႇ ထႅင်ႈသေ ဢမ်ႇၵႃး လႆႈသၢင်ႈလွင်ႈမိုတ်ႈၵိုဝ်းၸမ်ၸႂ်ပႃးထႅင်ႈ” ဝႃႈၼႆ။

ၼႂ်းဝၼ်းပၢင်ပွႆးၼၼ်ႉ လႆႈၼႄတၢင်းၵႃႈၼူၵ်ႉ 7 တူဝ်လႄႈ တူဝ်း 2 တူဝ် တင်းမူတ်း ၵူၼ်းၵႂႃႇၸွမ်းသမ်ႉ 26 ၵေႃႉ ဝႃႈၼႆ။

မိူဝ်ႈဝၼ်းတီႈ 11-15/09/2017 ၼၼ်ႉ ယူႇတီႈၽွင်းလူင်ၾၢႆႇၵႃႉၶၢႆ မိူင်းႁူမ်ႈတုမ်မၢၼ်ႈ မွၵ်ႇမႃးတီႈၸုမ်းၵူၼ်းၼုမ်ႇ တႆး SYO တီႈတူၼ်ႈတီးသေ လႆႈဢဝ်တၢင်းၵႃႈၼူၵ်ႉတူဝ်း ၾိင်ႈႁိတ်ႈႁွႆးတႆး ၶဝ်ႈႁူမ်ႈပၢင်ပွႆး ၼႄၶူဝ်းၵုၼ်ႇသိၼ် ၵႃႉ ဢႃႊသျႅၼ်ႊ တီႈဝဵင်းၼၢၼ်ၼိၼ် ၸႄႈမိူင်းၵႂၢင်းသျီး ၸိုင်ႈမိူင်းၶႄႇ ယဝ်ႉၵမ်းၼိုင်ႈ ဝႃႈၼႆ။

ဢၢၼ်ႇယဝ်ႉႁူမ်ႈပၼ်တၢင်းႁၼ်ထိုင်တီႈၼႆႈ

- Subscription -
- SHAN's Apps -spot_img

ၶၢဝ်ႇလိုၼ်းသုတ်း